ROZABĒL
Email l'article
Se yon ti fanm bò lakay la
Li gen yon bote natirèl:
2 je nan tèt li ak sousi li
Se tankou lalinn nan ki kouwone ak zetwal,
lè li souri dan nan bouch li bay reyon flaw-flaw,
tankou reyon solèy la,
Li gen yon ti nen kout pwenti.
Rozabèl ak lakansyèl gen yon sèl diferans:
se plizyè koulè lakansyèl ki fè’l bèl,
men ti fanm sa a ak yon sèl koulè
ki tankou kafe ak lèt,
lè’l pase devan’w ou wè reflè
plizyè lòt koulè bagay dous:
koulè dous makòs,koulè caramèl,
koulè chokola, koulè gatomyèl
Se pou yon si bèl koulè
Yo ba’l ti non Bèbèl
Ti fanm sa gen zèpòl kare
Ak yon cheve nwa san pèmanant ki chita sou li
Tete’l yo won ou ta di mandarin,
vant plat, bèl wotè anfòm kon bas.
Lè’l pase devan’m sant li antre nan nen’m
tankou lè akasan ak siwo ap desann nan gagan mwen,
lè’l finn pase je’m fikse dèyè’l fè larivyè koule nan bouch mwen,
mwen ta manje’l tankou krab nan berejèn.
Rozabèl pap viv sou tè, li pa soti nan syèl,
men se nan rèv mwen toujou wè li ap pase.
Source:
Tags:Jean Luxamar Modéus, Rozabèl, poésie,littérature
Nombre de commantaires (0)
Connectez-vous pour commenter cette news!